蔡穎恩與攝影師譚運佳日前拉埋天窗。
蔡穎恩（Evelyn）與攝影師譚運佳於昨日在親友見證下，結成夫婦，攜手步入幸福新生活。Evelyn在婚禮上大讚老公好靚仔：「我好驚喜！佢平時好少Gel起晒啲頭髮，真係好有型，我唔會再俾佢Gel起啲頭髮，咁靚仔，俾其他女仔見到點算呀？！」新郎透露籌備婚禮期間離港工作超過8個月，只可越洋籌備，Evelyn說：「大部份時間都由我張羅，佢負責落決定。好開心，我哋都係幸運嘅人，有好多專業嘅朋友、公司同事、同學和家人幫忙，仲有品牌贊助，好多謝大家咁愛錫我哋。」
一對新人與長輩合照。
蔡穎恩在戶外舉行婚禮。
蔡穎恩讚老公非常靚仔。
Evelyn指老公婚禮上哽咽，坦言甚少見到對方哭︰「午餐時我哋對屋企人講咗一啲深情嘅說話，佢喊，連佢好熟嘅朋友都話估唔到，今日見到佢呢一面，重新認識佢。」Evelyn透露婚後只休息一天，工作一直排到明年，笑言沒時間生B。好友陳嘉寶（Anjaylia）見証儀式，表示好感動，她對Evelyn笑言：「歡迎加入人妻俱樂部！」Anjaylia更立即捉住她的手摸自己肚皮並祝福對方：「期待你除咗幕前工作，仲要攝時間不停生B啦！」
蔡穎恩表示放假一天之後，便要投入工作。
好友陳嘉寶見証儀式。
入App免費換走健康產品
