蔣祖曼對繼子Day視如己出。
有「最強繼母」美譽的39歲蔣祖曼，當年21歲與任職電影幕後的陳卓麒(Keith)拍拖後，即擔起「繼母」責任，照顧男友與亡妻所生的兩歲兒子陳滌(Day)，其後二人在2014年1月3日結婚，正是繼子Day的生日日期；蔣祖曼對繼子視如己出，後來又因Day 想有細佬妹，二人再次計劃生育，婚後一年誕下囡囡陳可，一家四口幸福美滿。
最強繼母要Day繼續陪打機煲劇買公仔。
兩人關係由細到大都非常親密。
繼子成長好恩惠
日前Day迎來18歲生日，蔣祖曼在社交網分享短片，片中記錄兩母子多年來的生活點滴，當中二人相處融洽，蔣更為繼子剪指甲、騎膊馬、玩耍等場面溫馨。她感性寫道：「生日快樂呀Day哥！咁就18歲，新嘅一頁開始啦，陪你打咗咁耐怪獸，之後就靠你自己繼續闖關啦。祝以後繼續陪我打機煲劇買公仔俾我玩，唔好嫌我低能煩無聊，無論將來你成為一位點嘅成年人，你喺我心目中都係最好！加油！」
她續表示：「今日阿媽追尋理想陪你唔到，話咗要重重錫你一啖仲未錫，呢一日特別感觸，你明嫁(㗎)啦，番屋企先再傾。PS：你真係好難湊，湊死我！」蔣早年曾透露與Day關係似朋友：「因為我同佢出去就係我串(寸)下佢，佢串下我，所以似friend多啲。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
