蕭若元拍片分析鍾培生及袁嘉敏事件。
鍾培生與袁嘉敏在網上隔空過招，二人的關係引來網民熱烈討論，大家更好奇鍾培生與鍾父究竟有何奇怪要求。事件不但引來林作抽水，就連蕭若元亦非常關注，在YouTube頻道拍片探討，並化身「福爾摩蕭」與網民深入分析。
蕭若元邊講邊發出其招牌笑聲，更從袁嘉敏的帖文笑道︰「我依家先知(鍾培生)有朋友！哈哈哈！」對於女方提到的拳賽出場模式及婚禮致辭，蕭若元說︰「點解鍾生啲致辭稿要搵佢(袁嘉敏)呢？哈哈！鍾生，我勸你唔好慳嗰少少錢，搵人同你做個文膽同做公關！哈哈！」
蕭若元︰認為袁係用錢買返嚟
蕭若元表示，從二人的回應得知他們一定相識超過一年，肯定女方曾到男方屋企，並與鍾父一定有交談。蕭若元︰「用鍾培生角度睇，佢一定係好寂寞，搵人識袁小姐，約對方食飯，如果唔係點聽女方講故仔，之後就俾錢佢喺呢個飯局，唔好講之後有咩行為。鍾培生係不停意圖俾錢佢，鍾培生係意圖鋪鋪清，鍾培生係覺得佢係用錢買返嚟嘅嘢，所以覺得傾偈都要俾錢佢。但你知鍾培生好寂寞，要搵個女仔傾，於是傾傾下覺得唔好傾就搵咗第二個。」
估計袁嘉敏用未來作賭注
蕭若元亦站在袁嘉敏角度看，認為女方人生經歷豐富，對方不是蠢人，她不願收錢是希望二人有長遠發展︰「可能佢以為鍾培生愛上佢，但佢已經37歲，佢唔幼稚，可能想轉為長遠被照顧，開始賭落呢樣度。」他認為鍾培生可能開始用不同籍口避開袁嘉敏，女方開始計數因而遭對方爆大鑊︰「你唔好唔覆人，知唔知呀？係有手尾，過時過節要送上花、朱古力，聽一、兩次電話，係唔會死，鍾先生！你係有名嘅人，佢驚你呀！你咁有錢，佢走咗先同你講。」
蕭若元一邊講一邊笑，充份演繹何為花生友。
嘲鍾培生唔識做
蕭若元又認為，鍾培生需要請公關幫手處理，笑鍾培生欠缺社會經驗，理應私下「拆掂數」︰「你應該俾筆錢佢，請佢去旅行都好啦！一啲氣都唔受得，最多花你三、四十萬，好啦！依家熱搜榜第一位，同林作打拳都冇咁多……鍾先生，學識男女之間嘅禮儀，同埋請公關顧問，唔好請我，我唔得閒。」
鍾培生亦有到蕭若元這條短片回應，他說︰「唔好玩我啦蕭生，已經成日比你個仔蝦。」無獨有偶，袁嘉敏在網上爆料當日，鍾培生曾在網上分享與蕭若元兒子蕭定一的合照，未知二人是否有合作。
蕭若元在片中笑過不停。
鍾培生在蕭若元的頻道留言，求對方放過。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
