衛詩雅早前到日本工幹，把握時間食玩買。
衛詩雅（Michelle）早前受邀到日本參加全新SHISEIDO ULTIMUNE皇牌全盛精華全球發布會，同場更有泰國人氣男神Win Metawin。對於護膚，Michelle都有少少心得分享，「唔一定要買最貴嘅護膚品，應該買適合自己嘅護膚品，我自己會不斷嘗試搵到最啱自己嘅產品。」
衛詩雅與泰國人氣男神Win Metawin受品牌邀請到日本。
不過向來皮膚滑淨的她原來亦曾經遇過皮膚問題，「遇過最大嘅皮膚問題應該係玫瑰痤瘡，最後需要調整身體作息同埋使用藥物先可以得到舒緩，但係當壓力大嘅時候都好容易翻發！」
Michelle坦言整個trip最期待是科研發佈，「因為一直以來好想知道一支護膚品嘅誕生同埋佢嘅成份結合究竟係咩，點樣可以令皮膚變好，減慢老化，我覺得好神奇，今次好幸運可以有幸地親身聽到一個科研發佈，學到好多新知識！」
去年電影《破．地獄》上映後，Michelle不停為電影宣傳，謝票及周圍飛出席影展，早前又忙籌備婚禮，放假休息日子遙遙無期，這次難得去到日本，便乘機瘋狂食買玩，「今次去日本工作之餘，都有shopping大出血，因為呢幾個月嚟有啲忙碌，所以一有機會都食咗好多嘢，同埋買咗好多嘢！」
衛詩雅表示今次日本之行大出血。
立即更新/下載AM730手機APP 體驗升級功能
