衛詩雅今日出席「全港戲院日2025」記者會。 (鍾式明攝)
衛詩雅今日（24日）出席「全港戲院日2025」記者會。衛詩雅接受訪問透露在年輕階段曾經應徵電影院工作，可惜並沒有收到任何取錄通知。
講到金像獎即將舉行，今年有份入圍角逐「最佳女主角」的她表示：「今年老公會同我一齊行紅地氈，我有陪佢去一齊試禮服，就好似男朋友陪女朋友試衫嘅感覺，對我嚟講佢着每一套都一樣，因為都係西裝。」她指相當期待金像獎的來臨，並笑言：「其實要戒口，但係我仲未實行，我前晚食咗薯片，昨晚就已經好後悔。」被問到是否已經有寫定得獎感言，她坦言：「其實都有諗定，唔係話一定得，我都會準備吓，喺呢17年嚟我都有好多人需要感謝。其實我想寫喺張紙度，到時候拎出嚟。」提到復活節檔期4日票房僅收1267萬比去年暴跌6成半，她說：「聽到呢個消息當然唔開心，但我覺得我哋電影從業員大家都好努力，今日嘅電影日係非常之好，希望幫到大家嘅入座率，等大家都習慣返喺戲院度睇戲。」
限時早鳥優惠 火速訂位 | am730母親節溫馨晚宴 $5000福袋等你拎!
