袁詠儀相隔16年重返TVB 拍劇。
袁詠儀最近被內地網民捕獲為TVB 新劇《模仿人生》進行拍攝，相隔16年後重返娘家，當然被受重視，日前她與羅子溢及陳自瑤到深圳開工，更獲TVB 行政主席許濤親自探班，地位超然。
許濤對袁詠儀說道：「你好耐無拍劇喇喎，多謝你返嚟呀。」袁詠儀就立即表示：「係呀，你要多啲支持我哋呢套劇喎！」許濤則謂：「所以我咪嚟囉！」 袁詠儀 2009年拍畢《富貴門》後，就未有再為TVB拍劇，她透露今次能夠打動她回歸的原因，主要是總監製鍾澍佳：「我幾鍾意佢近呢一段時間嘅作品，我都睇過一啲，佢亦都好好，之前都有問過我，但我話我想拍另一啲時，佢真係有啲我覺得幾得意嘅就考慮啦。」
袁詠儀要求合約寫明要有陳自瑤及羅子溢。
另外，袁詠儀自爆劇中的兩位拍檔陳自瑤及羅子溢是她親自點名要求的，並謂：「係呀，我哋做咗好大嘅爭取，喺合約有寫㗎！呢啲要求冇乜人做，通常係講開工時間，幾多錢，但我唔係，我就係要呢啲演員。」最後，她提到老公張智霖亦非常支持她回巢，並搞笑謂：「因為佢覺得人一定要做嘢，唔做嘢就好容易好快死，唔可以咁早退休，要揀自己鍾意做嘅嘢，時間、環境容許就去做，日日坐喺屋企你眼望我眼，好快會鍊死對方。」
入App免費換走健康產品
