許廷鏗近日多做運動,所以瘦了不少。
許廷鏗(Alfred)現身新城廣播接受知訊台台長程凱欣、麥卓華主持的《原來生活好快樂》訪問,宣傳新歌《聆聽世界這分鐘》,節目甫開始,兩位主持異口同聲讚嘆:「點解Alfred咁有型,明顯修咗身喎!」
許廷鏗接受程凱欣、麥卓華訪問。
原來Alfred之前驗出患有嚴重脂肪肝,為重拾健康身體所以積極減肥,他表示:「個肝要搞搞佢,身體上有啲警號,除咗喺飲食上著手,都開始做運動,我做呢個訪問之前,偷咗兩個鐘去打羽毛球,出咗身汗。」Alfred又指身邊有很多朋友都熱愛打羽毛球,他笑言:「每次一call都有8、9人,去到場館就好似輪街症咁等打波。」
Alfred自爆和朋友打比賽,可惜輸了兩場,問到對手是否很強勁?他笑指:「佢哋符碌啫!」Alfred透露早前跟隨鄭伊健的健身教練做Gym,對方教他在跑步機上唱歌,他認為這方法對歌手練氣甚有幫助,同時亦希望運動可以令身形更加fit。
![許廷鏗近日熱衷打羽毛球。](https://cdn.am730.com.hk/s3fs-public/styles/article_image/public/2024-08/WhatsApp%20Image%202024-08-06%20at%209.28.37%20PM.jpeg?itok=2Z_OO80c)
許廷鏗近日熱衷打羽毛球。