2022-06-01 17:39:42

話「港姐」豬扒被TVB告誹謗網民籲林作上《東張西望》分析係咪告到

向來言論惹火的林作，早前嘲笑「香港先生」麥大力疑回巢做機師的新聞得200萬年薪太少，又以「香港小姐」作為比喻︰「我最鍾意嘅比喻係香港小姐根本唔難選 - 每年選嘅人好多，但9成係豬趴(扒)，一喺電視城落車你就知。最出名嗰個叫東涌羅浩楷」。

嘲笑TVB律師信小菜一碟

昨日林作Facebook宣布收到TVB律師信，疑告他言論誹謗，又轉發各大傳媒的報道，並稱：「我一直對中文律師信感到認真程度不足。我太習慣收律師信(我意思係我以前就係負責睇呢啲)，所以小菜一碟，明日再得閒了解一下。」

今日林作又在Facebook分享TVB律師信的內容，並留言：「原來封Email裡面有PDF！睇黎(嚟)TVB真係要吿我了。各位，我打唔打好？點回應好？摩拳擦掌，等你地俾啲意見我！仲有7日時間準備。以下開放留言。」大批網友留言：「上東張西望解釋咩叫誹謗，再分析單嘢係咪告到」、「和解，你同tvb開個節目《吾。作》做佢收視救星，super」、「同TVB傾，比條橋佢，開個告林作的節目，然後每日拍攝TVB，法團隊點樣圍秋(抽)林作，你又點樣1打10甘(咁)每個法律觀(點)打破。好睇過153長(獎)門人先啦」。