喬寶寶應陳志雲之邀擔任嘉賓。
喬寶寶今日應陳志雲之邀，為他的網上節目《Stepen．傾》做嘉賓。陳志雲提到他返港拍《時代》，令部份網民感到失望。喬寶寶在節目坦言向來抗拒政治，亦都不想被標籤成某一立場的人。
他提到開初以為《時代》是警匪片，「其實識我嘅人都知我對政治好冷感，對政治題材一向都好少提，因為我覺得政治係撕裂社會，就算印度嘅我都唔講，何況香港。接之後先知係政治題材，其實係可以推嘅。」他續指以前拍過不少仇警角色，認為自己不是政治人物，也不是劉德華、周潤發可以揀角色，「其實有好多戲都會掂到(政治)，我又唔係劉德華、周潤發，我好難去揀到角色。過去我在三色台的機會都好微，電視台又冇咩機會，難得電影有機會。」
喬寶寶表示向來不掂政治，亦不會為任何立場的人站台。
陳志雲續以羅蘭姐作例子，指對方是一個虔誠的教徒，也樂於演出「龍婆」這類角色。喬寶寶謂︰「係，都唔緊要，香港係freedom of speech，鬧你都要面對，對我嚟講，我覺得一個天空下就係一家人。我多謝香港人對我嘅支持，香港百幾年歷史，無一個南亞、印度籍嘅全職演員，當年我加入三色台，都係想上一個中華民文族最大一個舞台，比啲子子孫孫睇。」
對於接拍《時代》，喬寶寶表示開初以為是拍警匪片。
志雲其後著他日後要小心與政治人物接觸，喬寶寶稱有政治人物想和他合照，無論那一派別都一一婉拒。「有啲叫我拎張banner影相，我見到個名有啲政治。(志雲︰驚人哋唔知點用？)第一係咁，第二係俾人覺得我係某一個party，我冇顏色之分，但你特登push我去某一個顏色，我就唔鐘意。」
他入行是因為見到香港一直沒有一個全職的南亞、印度籍的演員，所以珍惜任何一個演出機會。
amJetso 送BIODERMA救星小紅瓶🩷護膚恩物 立即按此參加👇
