謝東閔表示因為冬甩而學會照顧人。
朱智賢的愛犬冬甩早前離世，他在家中更攬住狗狗的遺物痛哭。曾與朱智賢一齊飼養冬甩的謝東閔就以「爸爸」身份，寫下對冬甩的思念，同時他亦分享昔日跟冬甩相處的畫面。
朱智賢與謝東閔拍拖8年，二人同是愛犬之人，他們各有愛犬，更不時一齊耍樂。謝東閔愛犬的帳號也不時見到冬甩的影踪，可惜今年二人分手，冬甩亦離世，朱智賢今年受到雙重打擊。
謝東閔寫道：「仔：爸爸今年開始唔能夠同你過聖誕節啦，知道你呢一年都好攰，我哋都已經盡咗力照顧你，你去到另一個地方一定要開開心心，記得等埋爸爸，爸爸好快就過嚟同 你一齊團聚，多謝你教識咗我乜嘢叫做照顧同埋責任感，係因為你我先學識點樣去照顧人，同埋好多謝你帶俾我好多快樂，又試過陪我一齊返工，同我一齊拍戲，失落嘅時候又陪我一齊，開心嘅時候又陪我一齊，爸爸永遠都唔會忘記你，你要記得開開心心，同埋記得等我，爸爸好快就會過嚟搵你，知唔知道？ Love You From 爸爸」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
