謝霆鋒預告四場個唱將會狂換結他。
謝霆鋒一連四場的《Evolution Nic Live進化演唱會》進入倒數階段，後日（24日）將強勢登陸啟德體育園主場館，霆鋒除了是首位於啟德主場館開個唱的歌手，連意大利時尚品牌Gucci亦特地為霆鋒專屬訂製了兩款全球獨一無二的結他皮帶及接收器的皮套。
Gucci為謝霆鋒設計了兩款專屬用品，一款是經典黑色牛皮革以窩釘綴飾，配合霆鋒rock爆風格，而另一款則是用上時尚牛仔布面料配皮革，並飾以窩釘，街頭味十足。
日前，霆鋒拍攝開箱片跟大家分享，又預告演唱會上將會帶齊幾支「愛將」結他，輪流上陣，他表示：「我諗我成個演唱會最貼身嘅都未必係結他帶，因為我有好幾支結他會用，所以都會換結他帶。但係最貼身一定係呢一樣嘢，就係耳機接收器，而呢個接收器係需要一個袋，因為呢樣嘢冇得再換。因為喺我側邊嘅band，無論我自己，或者係Carl叔叔嘅bass，我哋都係移動，所以我哋係好少插線。因為Gucci無呢樣產品，所以今次可以特登幫我做呢樣嘢，好開心。」
限時早鳥優惠 火速訂位 | am730母親節溫馨晚宴 $5000福袋等你拎!
