謝高晉吊威吔吹蠟燭 ，非常創新。
明天(29日)是謝高晉的30歲生日，為隆重其事，他特意到好友龐景峰（Andrew）即將開張的「新道館」做一日特技人接受訓練，體驗吊威吔扮超人飛，非常新穎。Andrew與一班學生亦為「壽星仔」謝高晉送上驚喜，讓他飛住吹生日蛋糕蠟燭。
Andrew手捧蛋糕親自度位，試位一次就成功讓謝高晉吹熄蠟燭，而一班特技學生則在旁大唱生日歌，非常熱鬧。謝高晉坦言好開心，更直呼今次體驗非常好。他說︰「我從來無想過可以吊住威吔吹蠟燭，的確非常有心思。」他續言，年年生日都好悶，「今年唔想再唱K同人逼，趁生日打搞Andrew，試做一日特技人，玩下新嘢。Andrew自細練武術，又要去荷里活拍武打嘢，同佢過一、兩招，接受極大挑戰。」
謝高晉獲龐景峰與一班學生送上驚喜。
經過今次體驗，他直言視Andrew為師傅，「只用咗一日，就教會我做後空翻，之後會再跟Andrew學其他。」至於會否想向特技人方向發展，謝高晉表示希望將來嘗試打戲，「就算廿幾樓跳落嚟一樣唔怕，我都會盡力去做好，把握每一個機會。」問到他的生日願望，謝高晉坦言希望可以多一些拍攝機會，唱多一些好歌給大家，「仲要多謝爸爸媽媽將我帶來這個世界。」並感謝家人及歌迷十分支持他的新歌《白羊男孩的情書》，他笑著提醒大家好好珍惜白羊座朋友，「不要覺得他們煩，其實他們只是緊張。」
謝高晉坦言希望可以多一些拍攝機會。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
