Zoie新年前夕拗柴打石膏。
現年42歲的譚凱琪(Zoie)，在2020年嫁拍拖8年的圈外富貴男友莊日宇，同年誕下女兒Gabri後，便大量減產，專心照顧家庭。農曆新年將至，昨日(6日)譚凱琪(Zoie)在社交網宣布一個壞消息。
原來Zoie打波時弄傷腳，導至輕微斷骨，見她在社交網上載短片，右腳套上助行鞋，雙手攙扶拐杖步行，並表示：「2024年的新造型，因為自己唔小心拗柴，所以呢排都會用呢個look嚟示人，搵咗好耐鞋先襯到呢隻boot。」 片中又見Zoie在家中又坐在囡囡木製車仔滑行，並搞笑寫道：「醫生叫我唔好行咁多 ，好彩囡囡肯借部車車我 ，好彩我有先見之明送部車車比佢先有得問佢借。好彩，少少苦楚等於激勵。」不少圈中好友龔嘉欣﹑陳凱琳﹑陳自瑤等都留言祝她早日康復。
amJetso 送BIODERMA救星小紅瓶🩷護膚恩物 立即按此參加👇
