譚杏藍網上徵婚禮歌手 網民提議搵舊愛恆仔唱長相廝守 本尊大方回應
由藝員轉戰成為網紅嘅「小花」譚杏藍(Hana），2年前同拍拖十年嘅ToNick樂隊主音趙善恆（恆仔）分手後，與圈外人Ronald交往，拍拖約一年更答應男友求婚，二人將於下月及4月舉行2場婚宴。
前日小花喺社交平台出post，希望網民介紹會唱婚禮嘅歌手，更提到已經有樂隊，「只欠東風」。有口痕網友就留言「介紹」ToNick樂隊同埋恆仔，仲話「呢個好聽」。
譚杏藍喺社交平台出post，希望網民介紹會唱婚禮嘅歌手，有口痕網友就留言「介紹」ToNick樂隊同埋舊愛恆仔
後來有網民發現譚杏藍已經刪走搵婚禮歌手嘅post，唔通方丈上身？不過小花喺另一篇轉發該帖文度，留言回應網民嘅「好介紹」，仲話「慣咗 不過我搵到啦，happy」。估計小花可能係因為已經搵到歌手而刪post，同留言冇關。
譚杏藍大方回應惡作劇話「慣咗」
小花同趙善恆前年2月宣布分手，後來恆仔曾發文自爆因為分手及喪父而情緒受困擾，「抑鬱咗一年，爭啲想走」，又暗示分手涉及女方有第三者。但係後來再有報導指，恆仔疑似未分手時就同小花嘅化妝師Kylah交往。
譚杏藍2年前同拍拖十年嘅ToNick樂隊主音趙善恆（恆仔）分手
原文刊登於 Yahoo 娛樂圈
【立即參加】送香港迪士尼樂園一日門票！
