趙希洛拍廣告搵真銀。
趙希洛(Candice)最近應醫美中心邀請拍攝廣告片，港姐出身的她多年來保養得宜，今次拍攝廣告，更著上性感白色DEEP V露腰長裙，如同化身「逆齡雅典」女神。雖然要性感上陣拍攝，但Candice就透露今次拍攝前完全唔洗戒口減肥，單係靠做療程，就令身型線條緊緻，怪不得她說：「今次成個拍攝過程真係相當幸福。」
拍攝當日，Candice化身雅典女神面對鏡頭擺出自信表情及甫士，第一次接拍醫美中心廣告，她坦言非常開心、興奮。因為好難得可以拍攝到一個優質的醫美品牌廣告，成個團隊很專業，令她非常驚喜同滿意，因此才會接拍，而今次對佢來說也是一個新嘗試。
不少藝人拍廣告前都要地獄式減肥，但Candice表示今次例外：「我本身都諗使唔使食得節制啲呢？到時個body shape好睇啲，但中心果邊話唔使特別節食，只係做機就得，真係非常幸福。」Candice指本身都鍾意食嘢，平時都唔鍾意戒口，所以今次廣告係拍得十分開心。至於酬勞方面，她就話：「大家都好有誠意先會合作，肯定係雙方都滿意嘅。」
🎁 amJetso請你睇《焚城》，快Ｄ開APP玩👇 👇
