郭子豪和鄧卓殷將於4月結婚，過大禮的金器非常巨型。
郭子豪與鄧卓殷將於下月結婚，今日二人分享過大禮的照片，排場非常勁！單是喜餅、果籃已經放滿整個廳，而金器方面，鄧卓殷收到多隻流星搥龍鳳鈪，而其他金飾都件件好有睇頭。
從照片見到鄧卓殷收到5對龍鳳鈪，其中一對更粗到有隻手臀，而巨型金戒子也收到3隻，其餘金飾亦非常有份量。鄧卓殷說︰「睇到啲金器真係『哇』出嚟！超巨型龍鳳鈪，每樣金器手工都真係好精細好立體！好壯觀！」
過大禮的物品非常多。
她透露郭子豪為過大禮一事「緊張到瞓唔着」，她說︰「感恩過大禮終於順利完成！多謝每位親戚朋友同兄弟，送上滿滿祝福，收到哂。過程真係好得意，就好似古時嘅提親咁，每樣細節都好有意義！」他們二人亦特別在禮盒及餅卡印上屬於他們的logo，坦言送俾親朋好友特別有意義。
立即更新/下載AM730手機APP 體驗升級功能
