![郭柏妍超開心可以跟譚俊彥及李佳芯合作。(羅錦鴻攝)](https://cdn.am730.com.hk/s3fs-public/styles/article_image_with_watermark/public/2024-06/WhatsApp%20Image%202024-06-12%20at%209.43.49%20PM_0.jpeg?itok=rOvkp_zM)
郭柏妍超開心可以跟譚俊彥及李佳芯合作。(羅錦鴻攝)
郭柏妍與譚俊彥、李佳芯、謝東閔等出席新劇《麻雀樂團》(暫名)的煞科宴。為了此劇剪去長長秀髮的郭柏妍,表示非常不捨自己的短髮造型,自己亦很開心學習大提琴。她稱開初不太習慣短髮,但隨住拍攝之後,覺得短頭髮是非常配合角色,「真係剪得非常啱」!
![郭柏妍非常感謝監製羅永賢(正中)再找她拍劇。(羅錦鴻攝)](https://cdn.am730.com.hk/s3fs-public/styles/article_image_with_watermark/public/2024-06/WhatsApp%20Image%202024-06-12%20at%209.43.48%20PM%20%281%29.jpeg?itok=tTX4Hxa8)
郭柏妍非常感謝監製羅永賢(正中)再找她拍劇。(羅錦鴻攝)
開心跟譚俊彥李佳芯合作
郭柏妍在訪問中多次表示拍攝《麻雀樂團》非常開心,她稱因為可與譚俊彥、李佳芯、謝東閔、黃庭鋒合作。她說︰「好開心可以喺佢哋身邊學好多嘢,真係袋錢落我袋!」她又很多謝監製安排老師教她拉大提琴,現場又有管弦樂的人指導她,令她順利完成拍攝。
她又說到︰「好多謝大家喺現場俾信心我,因為有時候嗰下好似㩒下㩒下好容易,但背後要花好多功夫同努力。有啲樂團成員真係學咗好耐,唔係學一陣就識,佢哋真係學咗十幾年、廿幾年,去鑽研嗰種樂器,我好多謝同尊重佢哋,呢一、兩個禮拜挨更抵夜開廠,真係冇諗過可以完成呢件事!」
![Ad Block](/assets/v2/img/ui/代替網上廣告_300_250px.jpg)
![郭柏妍坦言非常不捨整個劇組。(羅錦鴻攝)](https://cdn.am730.com.hk/s3fs-public/styles/article_image_with_watermark/public/2024-06/%E8%9E%A2%E5%B9%95%E6%93%B7%E5%8F%96%E7%95%AB%E9%9D%A2%202024-06-12%20225305.png?itok=cPpY4kWk)
郭柏妍坦言非常不捨整個劇組。(羅錦鴻攝)
感謝監製再搵自己做戲
提到她已火速投入另一劇集《金式森林》,而且角色要變回長頭髮,她表示需要戴上髮片拍攝,感覺幾有趣。問到如此短時間,能否抽離角色,她稱臨近《麻雀樂團》拍攝尾聲時,自己不太開心,「無諗過咁快完,真係有啲唔開心,我媽咪同我講,原來我同佢講咗好多次『哎呀,我呢套劇拍完啦』,我媽再同番我講『阿女,我知你套劇拍完啦,你唔好再同我講啦!』我先知自己內心係好唔捨得,自己都唔知。」
問到為何如此不捨,她稱劇中的導演、監製都是看著她長大,「特別是羅永賢,因為《白色強人2》係佢第一次搵我,今次佢再比沈嘉明呢個角色我,真係好多謝佢!」