黃嘉雯倚傍住林敏驄一齊合唱。
林敏驄入行40年，昨日在西九文化區舉行一連兩場作品展，並邀請大量歌手藝人到場。阿驄亦多次發揮無厘頭本色，在曾比特出場時，他戴上爆炸頭假髮自封是「邱比特」，又問曾比特有沒有聽過「比特幣」。當他邀請湯寶如出場時，他搞笑指原本找寶麗金三小花出場，但黎瑞恩就心廣體胖出不到𨋢；劉小慧要睇住蘇志威，加上「搵極都搵唔到關淑怡」於是只好由湯寶如出場唱出關淑怡的《再會》。
林敏驄請來不少歌手擔任嘉賓。
阿驄介紹《下流上車族》時，他說︰「以為大家拍完套劇唔會再見，陰魂不散咁，我開騷又話嚟。你哋都知我啲女好忙啦，佢哋都推晒所有嘢話嚟！」之後文凱婷出場與他合唱劇集主題曲《一家人》，其後車氏家族江美儀、鄧智堅、郭柏妍、羅毓儀及黃建東出場大合唱。
林敏驄與「細女」羅毓儀合奏《男兒當入樽》之後，再請出獲封「魔音」的郭柏妍唱《跳唱街》。雖然郭柏妍今次沒有走音，魔音威力大減，但甩beat頗多及唱到似讀出歌詞，阿驄聽到第二句之後就爆出一句「死得啦！」引來全場爆笑，其後郭柏妍繼續唱，阿驄就讚她「唱得兩咀喎！」
《下流上車族》多位演員出場時，全場尖叫。
羅毓儀孖林敏驄自彈自唱日文歌。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
