鄧小巧獲偶像林宥嘉送上歌曲，自覺中了頭獎。
小巧去年宣傳歌曲《瀟灑》時，透過媒體隔空表示想跟Yoga合作，希望可以唱到對方寫的歌。報道出街後，Yoga的粉絲將這則新聞send給Yoga，小巧就：「Yoga就上網搵我嘅資料，又聽我啲歌，可能咁樣對我產生咗啲印象；我冇個人邀請佢，同佢亦冇交情，有日公司收到個電話，話林宥嘉寫咗首歌俾我，大家都好愕然。最神奇嘅係，我冇聯絡過佢，但佢靜雞雞已經寫好咗首歌，佢話係割愛俾我，同埋佢有同林家謙（監製）講過寫畀我，會問我係咩狀態，又會喺歌詞下面留言，暗地裡做咗好多嘢，然後俾驚喜我，我覺得我有啲似中頭獎。」
林宥嘉參與鄧小巧的MV拍攝。
為了答謝Yoga，小巧今年3月專程飛到台灣拜訪對方，她笑言：「我見到佢就變成鵪鶉咁，未坐低就已經送禮物俾佢，但大家傾咗好多偈。」小巧又自爆去年見偶像時表現失態，「我一見到佢就話『4年前睇你演唱會我未結婚，但依家我結咗婚喇』，講完嗰刻已經想打自己，結唔結婚關人鬼事咩，但因為太鍾意佢，好想同佢講嘢，佢好有家教同好有禮物話『恭喜、恭喜』！」
黎莉問小巧為何如此喜愛Yoga？小巧表示Yoga最吸引她的地方是聲音悅耳，「佢音色好靚，用聲嘅方法好動人，唔單止慢歌，唱快歌都好有爆炸力，同埋佢台風好好睇，企喺度唱歌唔郁都咁好睇。」
鄧小巧提起偶像林宥嘉大感開心。
amJetso 送BIODERMA救星小紅瓶🩷護膚恩物 立即按此參加👇
