2019-06-12 06:00:00

鄧洢玲被好姊妹搶初戀男友稱曾對駱振偉有性幻想

鄧洢玲(阿旦)近日接受《晚吹－女學生．吹水班》訪問，在節目中她大談過去的戀愛經驗，自爆曾被好姊妹撬牆腳，又指對主持之一的駱振偉(Thor)，存在過性幻想。

自小讀女校的阿旦，自稱家教甚嚴，她說：「中學時一直冇拍拖，直至中學畢業後先第一次談戀愛，可惜並唔浪漫。」阿旦稱，男友除了不准她性感示人外，計劃出國升學的他，亦對半工讀的阿旦毫不體諒，由於父母規定她晚上10時前回家，阿旦發現男友每晚與她分開後，就與她的一個好姊妹鬼混，旦續說：「係同學拆穿佢哋，知道真相後就決定為友情放棄愛情，搵我好姊妹傾清楚，佢聲稱自己都係受害者，又話冇意與我爭仔，點知佢趁去廁所時，偷偷打俾個衰人投訴，令我俾個衰人鬧咗餐。」

阿旦被問到入行後有否對男藝人有過性幻想，她竟表示：「多年前對Thor有過幻想。」Thor即多次確認。阿旦透露：「幾年前曾同Thor拍攝由我寫劇情嘅網劇，我哋兩個半裸上身，Thor講啲男朋友醒咗會講嘅說話。」Thor得知後大叫「有無搞錯」。