鄭中基何慶湘上月驚爆決裂 Ronald停工一個月今日宣布復出

鄭中基（Ronald）上月初驚爆與合作多年的經理人何慶湘關係決裂，並在個人社交網宣布與對方割席，直指何慶湘工作及道德操守有問題，繼而引起不少揣測。Ronald之後再度發文，既公開感謝太太余思敏，又表示自己有抑鬱症，近年再次受酗酒問題困擾，太太會陪他到美國接受戒酒中心療程。

上月，Ronald自言在高雄演唱會後離開，會好好休息，當網民以為Ronald會靜待一段時間讓事情淡化，今天（11日）他卻透過個人的Facebook帳戶宣布復出，Ronald寫：「Weee~我哋返嚟啦！知道有好多觀眾都等待咗一段時間，多謝大家 唔使擔心，由聽日開始我哋會陸續出返片，就由大家最期待嘅匪夷所思作為第一條！聽晚九點鐘，準時收睇機動電視台」表示YouTube頻道明晚將有新片出街，更以「醫院之匪夷所思」作為主題。