新晉導演馮智恒執導的《遺愛》，未上映已收到好消息，獲《大阪亞洲電影節》邀請，這部以約500萬資金完成拍攝的新戲，鄭中基為撐香港電影業，選擇零片酬接拍，無條件支持新導演，他說：「自己曾經都係由零開始，由演員到導演一步步做起，所以感受特別深。今次得到馮智恒導演邀請參與《遺愛》，雖然製作成本有限，但係信任不減，因為成個製作團隊好多新生代，好願意去嘗試做好件事，淨係呢一份精神已經值得支持。」而女主角陳漢娜得知電影入選後相當興奮：「恭喜導演！自己真係好想參與其中，奈何而家冇辦法親身飛過去，不過我個心已經飛咗去大阪啦！」
身兼編劇及導演兩職的馮智恒透露：「多謝《大阪亞洲電影節》嘅欣賞！《遺愛》係年輕人們被遺棄嘅故事，而鄭中基個角色係好似代表觀眾咁，好全面去睇晒成件事，所以內心充滿掙扎，想扶年輕人一把但係又無能為力。鄭中基好細緻咁演釋到中年人嗰份包伏同遺憾，要演到嗰一種無力感，難度唔低，所以好感謝佢嘅信任！」
立即更新/下載AM730手機APP 體驗升級功能
