鄭裕玲罕跟三位電台主持食生日飯。
鄭裕玲（Do姐﹑）余迪偉﹑余德丞（Dickson）和傑朱，逢星期一至星期五都孖住開咪主持商台節目《口水多過浪花》，四人感情要好，但要就四人一齊放假或食飯，時間就相當難遷就。繼今年年初四人難得一同到上海旅行後，相隔約八個月，日前（24日）他們終再齊人食生日飯。
日前，四位主持聯同Do姐助手嘉蘭，一行五人罕有齊腳食生日飯，原來Do姐﹑Dickson及余迪偉同是9月之星。Do 姐向來早睡早起，甚少出夜街，負責訂餐廳的Dickson當然識做，各人準時5點半到餐廳，6點開飯，Dickson貼出合照及多張美食相，並寫道：「身體健康﹑開開心心。」 而傑朱亦有貼出合照，並寫道：「萬眾期待，第一屆口水生日晚宴，一個開心的晚上，一餐豐富嘅晚餐，三位9月之星生日快樂，你快樂所以我快樂」繼上次上海之旅，嘉蘭繑住余德丞的手臂，引起網民關注後，今次被嘉蘭搭住膊頭合照的傑朱就事先講明：「講明先，圖中另一位女士係嘉蘭姐姐。」相當搞笑。
amJetso 送BIODERMA救星小紅瓶🩷護膚恩物 立即按此參加👇
