梁仲恆憑賣座電影《媽媽的神奇小子》成功入屋，還在今屆金像獎中獲得雙提名。
「第40屆香港電影金像奬」頒獎禮將於本月17日隆重舉行，今次多套電影也贏盡口碑，可謂勢均力敵，當中由吳君如監製、主演，尹志文執導的《媽媽的神奇小子》，在盛會上角逐最佳電影、最佳女主角、最佳男主角、最佳男配角、最佳編劇及最佳原創電影主題曲等共九項提名，而梁仲恆進軍大銀幕更發揮出精湛演技，同時角逐最佳男主角和最佳新演員，自然被看高一線。
喜見新一代獲得認同
梁仲恆舞台經驗豐富，但在影壇上卻是初哥，今次角逐新人獎還有馮皓揚、柯煒林、王丹妮、鍾雪螢，彼此皆是各有實力的生力軍，對於今次的提名名單，他認為：「好開心，我哋五個人都係雙提名，我覺得好似金像獎對我哋新演員有一個肯定，證明我哋新呢批人做嘅嘢係有人見到、有人會認同。」影帝方面，梁仲恆對手有《殺出個黃昏》的謝賢、《濁水飄流》的吳鎮宇，林家棟更分別憑《智齒》及《手捲煙》兩片入圍，他面對三位重份量前輩，談到今屆心水影帝，他想了一片就答：「我自己比較鍾意《手捲煙》嘅林家棟。」至於梁仲恆早前在一個民選頒獎禮上先拔頭籌，贏得最佳男主角，更是他入行以來首個電影獎，除多謝每位投票的觀眾外，他又謙虛稱知道對手有Anson Lo（盧瀚霆），自言論到Fans層面而言，今次賽果一定是不合理，並補充：「已經唔係咁多人會入戲院睇戲，再加上參與呢啲電影活動，我覺得好難得。」《媽媽的神奇小子》上映後，其工作性質明顯有變，以前主要集中舞台演出，現在則多了幕前拍攝，梁仲恆數月來接拍了港台劇、黃Viu新劇及電影等，更是他第一次接拍連續劇。
半夜搵蘇樺偉借手制
梁仲恆在《媽媽的神奇小子》中飾演成年版蘇樺偉，他與偉仔亦頗有緣份，兩人一直是街坊，自爆對上次見面是問對方借遊戲機手制，他稱：「我有朋友上嚟屋企，但屋企得一個手制，我冇得同朋友一齊打啦，咁嗰陣時都夜晚黑10點幾，都買唔切，咁咪漏夜打俾蘇樺偉。」繼而立即過隔籬座向偉仔借來手制。
花名阿炳叫足逾20年
梁仲恆演舞台劇已演過不同類型角色，問到想挑戰甚麼戲路，他表示日後可以扮演殺手或Rapper，原來他有夾Band經驗，中學時開始玩音樂，並擔任主音，亦會彈結他，曾參加比賽，而論到最影響他的演藝事業，梁仲恆表示《變形金剛》（Transformers）男星沙拉保夫（Shia LaBeouf）是其偶像，當看過沙拉保夫夥拍畢彼特（Brad Pitt）的2014年電影《戰逆豪情》（Fury）後，便開始崇拜這位實力派演員，還追回對方所有作品重溫，並說：「當冇乜動力、懷疑自己是否應該演戲時，就會開佢嘅戲嚟睇。」梁仲恆有個充滿親切感的暱稱「阿炳」，他談到該花名是從小學開始叫起，事源有一日娛樂版頭條是「娘炳」梁漢文，當時同學仔無厘頭地把「娘炳」拿來笑一餐，便開始為梁仲恆起了「阿炳」這花名，結果一叫就叫了廿年。
採訪：Alson
amJetso 送BIODERMA救星小紅瓶🩷護膚恩物 立即按此參加👇
