金珉禧去年憑朴贊郁嘅《下女誘罪》打出名堂。
洪常秀同金珉禧從柏林影展凱旋歸來後，公開手拖手承認戀情。
電影人好多時都喜歡將個人生活融入電影，南韓導演洪常秀(前譯：洪尚秀)雖然已婚多年，仍對愛情有無限憧憬，作品題材從來「愈墮落愈快樂」，充滿女人、酒精、嘲諷式的風花雪月、大女人主義，完全脫離傳統韓式愛情片風格。其自編自導新作《等一個人的心灣》同樣講女人，甚至罕有地深入剖析、探討女角色心理，但就惹嚟一班阿豬媽罷睇，事關今次女主角係洪爺本人嘅外遇對象——35歲南韓影后金珉禧。
文：Wing
洪爺外遇事件被揭發，觸怒網民，剛好《等》呢部充滿爭議性嘅作品，又令女主角金珉禧奪得最佳女主角銀熊獎，成為南韓首位柏林影后，令本土觀眾更加氣上心頭，齊聲鬧爆。
喺一片反對聲中，洪爺將外遇事件幾近如實反映於此片，即使明言唔係個人自傳，觀眾亦好難唔對「號」入座。《等一個人的心灣》女主角妍禧，係一名同已婚導演發生不倫戀嘅女演員，因受到輿論壓力而避走德國。故事大綱猶如洪爺真人真事改編，片中無提及導演同女演員相戀經過，只圍繞女主角由出走到回國嘅心理及情緒變化，情節零碎，當中穿插夢境和現實，似乎是集中火力，表達身為(戲裡戲外都係)小三嘅金珉禧都好痛苦及內疚。(留意：下文含劇透)
《等》開首已交代女主角在德國「避世」。
女主角用樹枝畫出男友模樣，的確有幾分似洪常秀。
戲裡戲外有幾似？
■相似一：避走出國
自從洪常秀同金珉禧舊年被傳媒揭發婚外情後，兩人曾經結伴歐遊，即使金珉禧憑《下女誘罪》贏得青龍獎影后，亦缺席頒獎禮。《等》片女主角亦同樣，電影開首已交代女主角身在德國，同友人同一屋簷下，導演利用相當多long shot拍攝兩人對話，內容圍繞女主角對「做小三」此事嘅感受。
■相似二：畫公仔畫出樣
妍禧同友人一齊行沙灘，佢形容愛人時話：「他有點年紀，五十多歲，開始禿頭，現在仍有點頭髮。」仲邊講邊用樹枝，喺沙上繪畫愛郎樣貌，畫出一個頭髮蓬鬆及戴眼鏡嘅中年男士，將幅沙畫對照番洪常秀個樣，你都咪話唔似！
金珉禧曾經同長腿Oppa趙寅成拍拖，唔夠兩年發聲明宣布分手。
金珉禧曾經同長腿Oppa趙寅成拍拖，唔夠兩年發聲明宣布分手。
■相似三：
對厭靚仔想轉口味
妍禧喺沙灘同朋友邊行邊傾，友人問佢：「你同過好多靚仔拍拖？」佢答：「我係啊……我開始不注重男人的外貌，跟過太多帥男拍拖了。」表明自己已經唔係「外貌協會會員」。現實中嘅金珉禧，喺未同洪導一齊之前，曾經同幾位靚仔Oppa拍過拖，如李政宰、模特兒出身嘅李洙赫及趙寅成，及至2014年拍攝洪常秀執導嘅《愛得對 愛得錯》先同人夫撻著，至於突然想轉口味嘅原因？請大家入場自行領悟。
■相似四：戀愛大過天
金珉禧出道近20年，一路都係「本土明星」，拍攝電視劇出道，多年來影視兩邊走，唔算大cast，直至舊年主演南韓知名導演朴贊郁嘅《下女誘罪》，橫掃多個最佳女主角獎後，終於登上國際舞台，如今為咗「真愛」不惜放棄剛剛有啲起色嘅事業，唔止形象插水，多個品牌更終止代言人合約。睇番戲中女主角，雖然洪爺冇直接將佢描繪成大明星，但就喺多場群戲中安插忠實fans，不斷誇獎女主角「演技好」、「應該出返嚟拍戲」，暗示女主角因醜聞停止工作，借「fans」之口鼓勵佢復出。
初出道時，金珉禧因為拍廣告而與愛情片影帝李政宰相戀。
呢幕戲，除咗女主角之外，其他人都「肩負」讚嘆女主角演技嘅責任。
入App免費拎荷花BB展入場券
