鍾培生表示仍跟警方聯絡中，但絕不會取消賽事。(李睿哲攝)
《培生擂台：無敵盃》We Are Champs 2023今晚(1日)舉行，劉馬車因涉一宗風化案而被捕，今晚鍾培生在賽前接受訪問，被問到此事時，他稱事前完全不知道，他說︰「好突然，佢係前日涉嫌做出一啲非常唔道德的行為，我們搵咗法律團隊去了解，睇下有冇機會可以趕過嚟呢場拳賽，跟警方溝通緊，想佢打完再返去審。」他稱現時劉馬車仍被扣查，但會等到晚上8點30，如果最後劉馬車未能出現，龍心與劉馬車的賽事會取消。
鍾培生稱劉馬車如最後未能參賽，入場人士仍可以保留票尾，會盡快補回，並指今晚重點是12場素人的拳賽及霍哥對戰周永恆。
由於劉馬車會缺席，龍心跟日本拳手古賀信乃介在台上大玩特玩。( 李睿哲攝)
鍾培生：擂台上所有人都是公平
對於找劉馬車參賽，會否影響他的拳賽形象，鍾培生續指拳王泰臣也曾因強姦而坐過牢，林作是一個很沒道德的人、Toyz是一個賣毒品的人，但在擂台上所有人都是公平，所以只要那個人踏上擂台就可以打拳。他稱︰「離開擂台，就好似劉馬車咁，我係極度討厭、甚至憎恨，有一個人竟然可以涉嫌做出咁冇道德的行為！」他稱未收到有人要求退飛，但承諾劉馬車出來之後，一定會盡快補辦他與龍心的拳賽。
龍心在拳賽開始前一小時宣布今晚無份打。(李睿哲攝)
🎁 amJetso請你睇《焚城》，快Ｄ開APP玩👇 👇
