葉璇直播時相當我行我素。
曾經係TVB花旦嘅葉璇，近年主攻內地直播帶貨，但係近期佢嘅造型以至行為舉止都相當「我行我素」，成為網民熱話。
以前葉璇開直播曾經被批評開重濾鏡，搞到面目全非；近排葉璇索性以真面目示人，唔開濾鏡之餘，仲將一把油頭紮住孖辮做直播，又經常著住肉色大媽底衫，即使唧出三層車胎肥腩都毫不介意。造型已經夠爆，葉璇直播期間仲有唔少坦率行徑，剪腳甲、捽腳趾、擤鼻之外，有一次試過伸手入褲頭搲痕，搲完冇洗手就食榴槤，食完仲連個盒都舔乾淨，完全零儀態。
唔少網友都喺直播期間留言負評，可能葉璇都覺得忍夠，於是將呢啲網友嘅大頭相喺鏡頭前展示出嚟，即場嚟個公審，仲恥笑網友造型不男不女。
原文刊登於 Yahoo娛樂LOL，am730獲授權轉載
葉璇展示網友的相片公審。
立即更新/下載AM730手機APP 體驗升級功能
