日前練海棠生日，伍姑娘安排家人與老公慶祝。
伍詠薇為電影《愛登士家庭》配音，昨日電影首映禮，伍姑娘與老公練海棠及哥哥伍經衡一齊出席。她表示今次是入行以來首次為電影配音，坦言有壓力，所以事前做定功課。提到日前老公生日，與家人食飯略為平淡，她說︰「平淡是福。」
伍姑娘說與家人食飯慶祝，對老公及大家來說已經是最大的禮物。她說︰「平淡是福，最大嘅禮物係一家人食飯，咁大個人，又唔係拍拖，仲收禮物，買咩都難買同屋企人見面。我父母已經唔喺度，佢嘅父母差不多90歲，安排一個溫馨嘅飯局，唔係錢多少嘅問題，禮物只係浮雲，其實一啲都唔平淡呀！」
提到今次為電影配音，她表示事前需要把她的聲音傳到美國電影公司作篩選。她說︰「好榮幸選中我，要跟番英文版個節奏都幾難，之後佢哋將我嘅配音傳返去美國嗰邊，最後只係需要我補返一句對白。」她指當中有兩句法文對白，幸好有哥哥的幫忙才說得準。
伍姑娘稱配音工作比預期快3小時完成。
🎁 amJetso請你睇《焚城》，快Ｄ開APP玩👇 👇
