家輝賣口乖，大讚娥姐幾時都咁靚。
張家輝、周勵淇及唐文龍等前晚出席電影《超意神探》首映禮，對於電影在內地變成網大片，家輝表示不介意。談到關詠荷(娥姐)復出拍廣告獲大讚凍齡有術，家輝直言太太一向唔錯，不同年歲階段有不同韻味。
談到《超》一片在內地變成網大上映，家輝說：「冇所謂啦，演員做好自己份外事，演好齣戲就好，電影嘅決策留返俾投資方去諗，演員控制唔到。」他又稱網大片都係電影，「只要劇本好、製作班底，唔排除我將來都會繼續演網大，就好似電視劇同舞台劇，都係演戲。」
周勵淇否認再追B，坦言照顧一位孩子已用晒所有時間。
娥姐不同階段有不同的美
娥姐復出拍廣告獲讚凍齡，家輝指：「係幾正，唔同階段有唔同嘅靚，之後老咗都係會咁靚，總之佢係我眼裡就係靚。」問到娥姐這般襟睇，他有否感到壓力，「你唔見我成日收埋佢喺屋企咩。我咁靚仔，點會有壓力，我呢啲混血兒嚟，廣州溝番禺。」
周勵淇否認追B
去年有報道指周勵淇懷第二胎，家輝聞言即說，「生咗啦。」周勵淇急澄清：「冇呀，聽佢噏。」她指照顧一位小朋友，已經用了她非常多的時間，所以暫時不會生育，「其實湊一個已經好辛苦，已經冇晒時間，等佢大啲升高年班，我先會出返嚟接戲接job。」
《超意神探》主創合照。
amJetso 送BIODERMA救星小紅瓶🩷護膚恩物 立即按此參加👇
