2024-11-27 17:03:24

陳凱琳身教兒子聖誕環保成就解鎖廟街唱歌

靚媽陳凱琳(Grace)昨日於旺角出席聖誕活動，大談聖誕與環保的話題，並為商場的環保聖誕裝置亮燈，她稱自己十分注重環保，包括會儲起美容護膚品的樽與器皿，「我會洗返乾淨啲樽同嘜，用嚟儲啲濕星小物，好似衫褸散錢，細件又易唔見嘅物件。」

Grace除了自己注重環保，亦希望身教仔女，「過往聖誕屋企都係採用環保聖誕樹，不過小朋友想用真樹，而且知道可以回收後，今年同老公商量後就買咗真嘅聖誕樹。」她又會教兒子把心愛的玩具掛上樹上做裝飾，聖誕過後可拆下來再玩，藉此不浪廢裝飾物。Grace稱，今年聖誕計劃到東南亞旅行，但地點尚未確定。

此外，Grace又自爆昨晚特別走到廟街的街頭歌廳，俾錢唱了一首《月亮代表我的心》，稱人生成就有解鎖一款：「好想叫埋嘉穎去唱，不過我同佢講俾錢唱歌，點知俾佢笑我，話『通常人哋俾錢我哋唱歌，你就俾錢去唱歌。』」Grace指廟街街頭唱歌是獲邀請過去，感覺有少少被呃，至於她的歌聲如何，她說：「嗰度啲人好勁，我自己就唔好意思見人。」