陳奕迅宣布加開4場《Fear and dreams演唱會》。
陳奕迅(Eason)於12月在紅館舉行18場跨年《Fear and dreams演唱會》，約58,000張飛全部售馨，開賣當日售票網塞足13小時，至晚上明明全部售完，仍有歌迷不死心繼續嘗試，結果塞多兩個小時至晚上11時才回復正常。有見及此，今日Eason宣布加開1月2、3日及6、7日共4場，依舊近五成門票公開發售，約14,000張將於本周四(13日)開售。
中間靚位12人一行
座位表亦保持不變，雖然紅館仍只可坐八成半人，但政府開放防疫距離，之前18 場，要每6個人隔開，今次可以12人坐埋一行，10年未見絕世台中間，最前正面靚位，4場都仍存在。不過仍有樂迷笑話Eason孤寒，未開賣已留言：「:加多少少啦陳生！」
🎁 amJetso請你睇《焚城》，快Ｄ開APP玩👇 👇
