應采兒陳小春大仔Jasper唔識中國傳統節日被批評 網民：怎麼連傳統節日都不記得嗎
陳小春與應采兒近年主力於內地發展，參與綜藝節目吸金，與兒子Jasper和Hoho現居於上海。早前佢哋就帶同Jasper乘坐私人飛機到澳門玩，不過喺搭車期間應采兒就問Jasper「中國有哪些傳統節日」，點知Jasper淨係講得出中秋節，結果引起網民熱烈討論。
現年11歲嘅Jasper早年與陳小春一同出演《爸爸去哪兒5》萌爆表情與乖巧性格深受網民愛戴；雖然佢近年未有跟隨爸媽於幕前出現，但應采兒仍不時喺社交網站分享與仔仔嘅互動，令網民可以得知Jasper嘅近況。
媽媽都話：「好丟臉」
早前陳小春與應采兒就帶同Jasper乘坐私人飛機到澳門玩，事後應采兒就將行情記錄，並剪輯及上載到抖音與網民分享。三人喺搭車期間，應采兒問Jasper「中國有哪些傳統節日（除咗春節/農曆新年）」，之後Jasper就回答中秋節，而爸爸喺隔離瘋狂「提水」都無用，搞到坐喺後座嘅媽媽都話：「好丟臉」！
影片出街後，唔少網民都對Jasper對中國節目嘅唔熟悉引起網民熱烈討論，例如「可能國際學校不教，但是要給孩子過這些傳統節日，讓他好好體會，傳統的東西是不能丟的」、「清明節端午節不知道嗎」、「中國節日都不知道」、「這麼大了連中國的傳統節日都不知道真的好嗎」及「怎麼連傳統節日都不記得嗎」等等。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
