手戴水晶及佛珠出席活動的陳山聰，否認獲高人指點催運，只說自己經常戴飾物。
郭柏妍、江美儀、陳山聰、劉佩玥(Moon)、蔣家旻、洪永城、何廣沛、陳嘉慧等，今日為台慶頒獎禮「最受歡迎電視男、女角色」拉票。陳山聰今年多齣劇入圍，對於視帝獎被睇高一綫，他說：「可以同郭晉安、馬國明、林敏驄、陳豪、黃宗澤、陳展鵬，一齊殺入最後10強，好感恩。」陳山聰坦言，每年在頒獎禮都好緊張，問他可有準備得獎致謝詞，他說：「其實我每年都有諗定，始終都希望有一日係自己，有好多人都想多謝，不過唔可以依家講，希望當晚大家聽到我講。」
郭柏妍指，《下》劇任何人得獎，都是實至名歸，因為團隊付出好多。
最有信心攞最佳劇集獎
郭柏妍有份角逐「飛躍進步女藝員」及「最受歡迎電視女角色」，獲《下流上車族》飾演其母的江美儀睇好，她稱：「我都睇好媽咪會攞獎，不過對『最佳劇集』有信心啲。」《下》劇是她入行以來首次戲分較重的角色，而且與整個團隊合作得好開心，問她最想得甚麼獎，郭柏妍說：「想攞『飛躍進步獎』，因為大家為劇集付出好多，值得攞獎，總之《下流上車族》任何人攞獎都會替對方開心。」
郭柏妍睇好阿媽江美儀做視后。
入App免費換走健康產品
