李佳芯、陳庭欣、王浩信、張振朗和蔡思貝等，前晚出席主演劇集《踩過界》的首播宣傳，李佳芯自爆拍攝該劇，日日被劇組精神虐待；陳庭欣則笑言，在劇中演男性角色甚有挑戰性，還有「露兩點」鏡頭，經常出現尷尬情況。
有份參演《踩》的李佳芯於劇中飾演法官，更要大跳性感舞蹈，「日日都要著貼身舞衣，仲要喺眾目睽睽下跳性感舞，我冇乜舞蹈底子，好在有排舞老師即場教授，結果畫面同出嚟嘅效果都唔錯。」她又透露自己是家中獨女，家人對她生活十分緊張，「如果識咗新男朋友，會先了解多啲，先敢介紹俾媽咪識。」
後期加工露兩點
而在劇中反串演男性角色的陳庭欣則指，今次演出甚具挑戰性，「最衰肩膊唔夠橫，要靠塞毛巾先可以將西裝著得好睇。」她又指，與戲中女朋友有親密搭肩戲，並憶述在中頭後巷拍攝時，只穿單薄打底衫褲，感覺十分尷尬，「要感謝監製幫我搵替身……拍露點戲時幫忙後期加工。」
amJetso 送BIODERMA救星小紅瓶🩷護膚恩物 立即按此參加👇
