陳浚霆大談拍新歌《大個之後》MV點滴。
陳浚霆今日（20日）出席《愛•回家之開心速遞》宣傳活動，他接受《am730》訪問表示：「每日都好勤力去做運動，因為為咗宣傳自己嘅新歌，最近第一次去派台宣傳自己嘅歌。」他透露今天早上六點已經開始去做運動維持身材。
陳浚霆指最近親身去電台宣傳新歌《大個之後》。（娛樂組攝）
平常心看待樂壇獎項
講到最近親身去電台宣傳新歌《大個之後》，陳浚霆表示：「好興奮，以前聽過好多唔同嘅電台節目，我未見過主持人真人個樣，所以都好興奮，啲主持人就話電視機見得我多未見過我真人。」對於是否希望憑新歌爭奪樂壇各大獎項，他坦言自己以平常心看待。他指較早前去到新城電台宣傳歌曲可惜未能夠與馬浚偉見面，不過自己也有留下親手寫上的卡片給對方。
陳浚霆今日（20日）出席《愛•回家之開心速遞》宣傳活動。（娛樂組攝）
揭任達華拍戲有呢個習慣
被問到與任達華（華哥）合作拍攝新歌MV，陳浚霆興奮表示：「呢首歌以親情為主，咁就講大個咗對於屋企人同埋社會感覺會有少少唔同，我想個MV電影感重啲，工作團隊就誠邀華哥拍攝，之後華哥就應承咗，佢俾咗一日full day嘅時間我，華哥係一個令到我好舒服嘅對手，拍攝之前華哥都有搵導演去傾，我冇諗過佢會做咁多嘢令件事昇華咗。」他感激華哥親自教導如何去做一個專業的演員，並表示：「無論拍完嘢熄咗機，修養都依然要保持，華哥嚟拍MV嗰日，好多工作人員同我講要早啲去到，因為華哥一定會早至少半個鐘到，咁我嗰日早45分鐘到，點知佢比我仲更加早到。」
立即更新/下載AM730手機APP 體驗升級功能
