![陳淑芬接受新城《原來生活好快樂》程凱欣、麥卓華訪問。](https://cdn.am730.com.hk/s3fs-public/styles/article_image/public/2024-07/2.%E9%99%B3%E6%B7%91%E8%8A%AC%E3%80%81%E9%BA%A5%E5%8D%93%E8%8F%AF%E3%80%81%E7%A8%8B%E5%87%B1%E6%AC%A3%281%29.jpg?itok=ZrYNB3BQ)
陳淑芬接受新城《原來生活好快樂》程凱欣、麥卓華訪問。
金牌經理人兼製作人陳淑芬(陳太)接受新城知訊台台長程凱欣和麥卓華主持的《原來生活好快樂》訪問,曾為哥哥張國榮擔任經理人,與梅艷芳及張學友等巨星合作無間的陳太,縱橫演藝界50年,見證了香港演藝界的光輝歲月。
為了紀念入行50周年,陳太不惜工本在澳門倫敦人綜藝館舉行《陳淑芬.星星相識50年.紀念展》,與大家一齊見證半個世紀以來香港樂壇的發展及輝煌。展期本來由3月20日5月19日,反應相當熱烈,徇眾要求下紀念展宣布延期再延期,由6月30日延至7月28日,陳太在節目中表示:「今次真係終極一次,希望大家把握最後機會嚟睇。」
![《陳淑芬.星星相識50年.紀念展》由即日起延至7月28日在澳門倫敦人綜藝館舉行。](https://cdn.am730.com.hk/s3fs-public/styles/article_image/public/2024-07/IMG_0143.jpg?itok=YFrAzqy9)
《陳淑芬.星星相識50年.紀念展》由即日起延至7月28日在澳門倫敦人綜藝館舉行。
陳太形容這個紀念展是香港樂壇歷史見證,跟大家回顧她入行50年的歷程,包括曾參與製作的大型演出項目,以及半世紀以來香港流行音樂文化及演唱會行業進程,「呢50年,香港娛樂圈畀我好多機會,好多人陪伴我,合作又好開心,到依家仲喺呢個行業,仲服務大家,我覺得好感恩。」展品當中,一半是哥哥的物品,「哥哥喺我心目中同演藝生涯佔好重位置,我同佢識於微時,好似一個戰友咁,展覽有個張國榮專區,好多謝唐鶴德先生借咗好多哥哥珍藏、服飾,仲有哥哥喺樂壇、影壇攞過嘅獎項。」
![陳太形容這個紀念展是香港樂壇歷史見證。](https://cdn.am730.com.hk/s3fs-public/styles/article_image/public/2024-07/1.%E9%99%B3%E6%B7%91%E8%8A%AC_0.jpg?itok=8wjVwDwc)
陳太形容這個紀念展是香港樂壇歷史見證。
陳太和哥哥及很多藝人情如家人,皆因陳太對他們都付出最真誠和真心,「哥哥成日講,除咗我唔係姓張,佢唔係姓陳,其實我真係好似佢家姐,我都當佢係細佬,其他藝人做訪問都有講,原來佢哋都當我係屋企人,我知道之後覺得好欣慰。」提起哥哥的窩心,陳太一度硬咽,程凱欣讚陳太是位重情重義、剛柔並重的鐵娘子。
跟一班天王巨星合作無間,陳太指他們的共通點都十分勤力,堅持自己理想,程凱欣問她誰要求最高和難服侍?陳太笑言:「係兩樣嘢,難服侍同要求高係分開,哥哥都算係追求完美嘅人,有啲人要求高,但又難為到身邊人同自己,佢嘅要求有機會脫離現實,但呢個係冇錯嘅,冇呢啲要求,又push唔到身邊人去做,最重要係體諒同包容,你對自己要求高OK,但唔可以諗到天馬行空迫人去做,又不顧安全問題,咁又唔可以。」
![陳淑芬接受新城《原來生活好快樂》程凱欣、麥卓華訪問。](https://cdn.am730.com.hk/s3fs-public/styles/article_image/public/2024-07/4.%E9%99%B3%E6%B7%91%E8%8A%AC%E3%80%81%E9%BA%A5%E5%8D%93%E8%8F%AF%E3%80%81%E7%A8%8B%E5%87%B1%E6%AC%A3%283%29.jpg?itok=0OVeMRIj)
陳淑芬接受新城《原來生活好快樂》程凱欣、麥卓華訪問。
陳太亦分享早年帶哥哥和梅艷芳去英國登台的難忘事,「當年我哋係去戲院做,因為好多華人喺嗰邊,佢哋又有好多人開餐館,要等佢哋收咗工先開騷,所以啲騷係凌晨12點先開騷。」開騷未必穩賺,陳太並不介意蝕錢,只求做得好:「就算有冇錢賺,都一定都做好佢,起碼有個口碑,好似哥哥嘅紀念活動,我哋只係想做好一件事,令觀眾開心。」