準備角逐我最喜愛男歌手的陶大宇，前日推出賀年串燒歌《紅陶大宇喜迎春》，原本他構思MV在花墟拍攝，因為疫情而擱置。昨日大宇親到花墟為新歌宣傳，他表示新曲在大陸錄製，「好開心有一首屬於自己嘅歌，以我嘅資質一個下午錄完成首歌。」大宇指，原本新歌沒有「嘘」聲Ad-lib，是他提議監製加入去︰「希望保持開心氣勢，將唔開心嘅事就噓走佢。」
問他是否收入大增，大宇稱有工作就有收入，但冇刻意買東西獎勵自己︰「最緊要開心，我部車都揸咗十幾年，我係有需要先買嘅人，唔會手鬆就身痕。」他希望新歌為大家帶來歡樂︰「近期有好多唔開心嘅事，喺疫情之下拎返少少歡樂，喺咁嘅環境帶到呢個感覺俾大家，已經心滿意足。希望大家開心，新年快樂，身體健康。嘘！」
陶大宇花墟宣傳新歌
立即更新/下載AM730手機APP 體驗升級功能
