近年唔少演藝學院畢業生殺入TVB，肥嘟嘟嘅何遠東係其中一個。東東喺《十八年後的終極告白》演肥仔富演出精湛，加上肥仔身型好易認。不過最近何遠東比起以往睇落瘦好多，睇落足足細一個碼！
東東出席新劇記者會時，唔少娛記都留意到佢身型唔同晒。東東話呢排鍾意緩步跑，發現即使仲係食好多嘢，個人都瘦落去。東東好謙咁話可能只係衣著顯瘦，仲自爆而家磅數有210磅，已經重過之前。
睇返資料，4年前何遠東原來有280磅，加上飲食唔健康，試過腸道有腫瘤要切除。而呢一兩年睇東東post IG嘅相，都開始發覺佢逐漸面尖尖，減吓減下有幾分似陸浩明！
amJetso 送BIODERMA救星小紅瓶🩷護膚恩物 立即按此參加👇
