雲浩影為第三張個人專輯影靚相，罕有地性感示人，穿白色貼身長裙，若隱若現。
雲浩影(Cloud)今日(20日)推出第三張個人專輯「TOUCH OF ABSENCE」，以自我成長為題。新碟主題與Cloud的首張專輯「The Cloud」以及第二張專輯「INTRODUCTION to PAIN」互相呼應，講述傷痛過後、沉澱自我再重新出發的過程。Cloud罕有地穿搶眼紅衫和透視珠片裙，以及高貴的白色貼身長裙，為專輯拍攝靚相，她坦言起初有些擔心，但拍攝過後她滿足表示非常期待成品。
為穿貼身裙 做Gym收身
新碟靚相由Miss Bean操刀，是二人繼首張專輯「The Cloud」後再度合作，Cloud直言很欣賞對方的作品。拍攝場地空間寬敞，陽光透過落地大玻璃滲入，非常舒服。Cloud表示今次的拍攝風格與過往不同，更著重空間感，她說：「過往係好多Close up、會有好多唔同嘅衫，今次係更加著重情感、Pose上嘅表達。」
為捕捉美麗柔和的陽光。Cloud與團隊於凌晨四點便出發，她換上不同造型，分別是搶眼的紅色上衣和透視珠片裙，以及高貴的白色貼身長裙，兩套衫均有若隱若現的感覺。她表示穿搭上作出了新嘗試，說：「今次嘅衫的確係比較性感，自己都有少少擔心，有做Gym、打下網球同食少啲Carbs（碳水化合物）。呢啲衫都係我平時比較少着嘅類型，好似呢件紅色衫，我平時好少着紅色，為咗迎合主題就嘗試咗好多唔同顏色，表現到雲唔同嘅面貌同狀態。」
扭曲身體為瞓枱底
團隊利用水和冰去表達雲不同的狀態，其中一個場景，Cloud要躺在玻璃餐枱下，工作人員再從高處倒水至枱上以捕捉唯美畫面。被枱腳包圍的Cloud要在狹窄空間內擺出多個甫士，難度爆燈。另外，身穿珠片裙的她亦不時要蹲低或躺下，絕不簡單。她說：「辛苦係可能要用手踭撐住個石屎地，成個身體嘅力放晒喺度，或者要着住珠片裙要做啲姿勢，呢啲片片全部都拮入肉，辛苦但值得，好期待想睇到成品。」
新年目標開個唱
踏入2025年，Cloud感恩表示入行第三年能推出第三張個人專輯，她透露新碟內有一首自己很喜歡的英文Cover歌。至於新年願望，她直言是舉行個人演唱會，她笑就：「2025年好開心出咗呢隻碟，更加期待會有大碟，更更更加期待會唔會有自己嘅個人演唱會。入行都一段時間，好想將自己儲落嘅歌，排一個演唱會嘅Rundown送畀大家，呢個都係我嘅願望。」
入App免費拎23大商場蛇年利是封
