![雲浩影和劉沛蘅首次參演舞台劇,將與林釗鋒、Elsie合作。](https://cdn.am730.com.hk/s3fs-public/styles/article_image/public/2024-06/903%E8%88%9E%E5%8F%B0%E5%8A%87%E3%80%8A%E9%81%BA%E6%86%BE%E6%94%B6%E8%97%8F%E9%A4%A8%E3%80%8B%E5%8A%A0%E5%A0%B4_04.jpg?itok=9BBO6s3Y)
雲浩影和劉沛蘅首次參演舞台劇《遺憾收藏館》,將與林釗鋒、Elsie合作。
雲浩影(Cloud)和劉沛蘅(Hillary)將於9月首度參演舞台劇,兩人在DJ呂珮琳(Elsie)自編自演的903舞台劇《遺憾收藏館》中與梁釗峰合作,合共7場門票火速售罄,大會今日(17日)宣布加開3場,門票將於明天(18日)公售。
《遺憾收藏館》將於9月假灣仔香港藝術中心壽臣劇院正式公演, Elsie首度將同名廣播劇搬上舞台,創作全新故事,請來歌手梁釗峰、Cloud和Hillary主演,導演則由劇帝朱栢謙及資深劇場人張志敏擔任。首次參演舞台劇的Cloud大感興奮:「一定要多謝大家嘅支持,希望加場門票都可以售罄,我同釗峰就會現場唱多啲歌答謝大家。」飾演Cloud哥哥的釗峰表示:「『釗』開心,做足十場就過足戲癮!派福利?就要期待三位顏值擔當嘅女主角喇。」至於首次挑戰舞台劇及情婦角色的Hillary指:「加場係代表有更多人睇我哋嘅演出,係有啲緊張,不過都係一種動力,令自己排戲時做好啲,正式時就唔會出錯。」
![Ad Block](/assets/v2/img/ui/代替網上廣告_300_250px.jpg)
對於觀眾反應熱烈,Elsie喜出望外,她自爆曾擔心票房:「這齣舞台劇源自每個星期日凌晨一點嘅廣播劇,雖然寫咗兩年,但係一直都唔知有幾多人聽到,有幾多人鍾意。門票一下子火速售罄,對我嚟講係一個肯定。」Elsie承諾做好10場演出答謝觀眾:「嚟緊會用200%嘅努力去將劇本改到最好,同埋花盡心機排戲,唔會辜負大家嘅期望。如果最後加場都火速售罄嘅話,就十全十美,真係無遺憾啦!」