雲浩影拍攝麵包廣告，表情多多。
雲浩影(Cloud)最近拍攝全新麵包廣告兼獻唱主題曲，為品牌注入更多動感和活力。廣告中，Cloud以女生的日常帶出生活即使再忙，都要注意飲食健康，就算生活遇上不如意，都要錫住⾃⼰。廣告在清水灣郊野公園拍攝，而Cloud第一首主打歌《願望之翼》的MV，同樣在這裏取景，重遊舊地不但勾起很多回憶，她坦言外形和心態都轉變了不少！
雲浩影拍攝麵包廣告，表情多多。
廣告中，穿上背心裙的Cloud與女演員Jackie在草地上野餐，她們跟着音樂擺動身體，津津有味地吃着麵包。隨後又與小演員貴婦狗「鮮奶」在草地上來回奔跑，毛茸茸的「鮮奶」非常搶鏡，亦乖乖聽從指令順利完成拍攝，成功俘虜眾人歡心。拍攝當日天氣清涼，加上非常大風，身穿針織背心裙的Cloud一cut機便會靠近同事，並用披肩圍着大家互相取暖，場面溫馨搞笑。
她說：「無諗過今日咁大風，同埋喺山頂拍攝，着得略為清涼咗少少。實在太凍，用披肩包住大家圍爐取暖，後尾發現笠住個頭仲保暖，所以就用披肩笠住大家個頭。」攝製團隊隨後移師至大屋拍攝室內戲份，Cloud換上藍白色背心裙，仙氣十足。
毛茸茸的「鮮奶」非常搶鏡，乖乖聽從指令順利完成拍攝。
Cloud出道後的第一個MV《願望之翼》，同樣於清水灣郊野公園拍攝。一年後重遊舊地，她笑言外形上改變了不少。Cloud說：「拍《願望之翼》嗰陣係個波嚟、好肥，睇完個MV後就開始減肥。今次係減肥後回到郊野公園，同個大自然好Match，《願望之翼》嗰時多咗少少唔自然嘅肉仔，而家就好好睇。」
至於心態上的轉變，Cloud坦言學懂了工作時保持淡定以及做好自己份內事，並感激公司同事的愛錫。她說：「拍《願望之翼》會好留意附近發生緊啲咩，好想去幫手，但而家發現，我唔幫手已經係對佢哋更大嘅幫忙。」此時，鏡頭外的同事用力點頭，Cloud指着他笑說：「你個頭點得太勁啦，唔好為大家添麻煩就係我要學習嘅嘢。」
amJetso 送BIODERMA救星小紅瓶🩷護膚恩物 立即按此參加👇
