韓韶禧在圈中出名反叛，紋身只屬小事。
南韓女神韓韶禧去年10月公開面部釘珠，由眼下釘到嘴唇，粉絲非常震驚。當時她表示只希望嘗試下，而面上的釘孔亦漸埋口。《京城怪物2》日前上線，韓韶禧拍片宣傳，除了介紹自己的寓所，更拿出一張「假珠貼紙」，之後貼在面上：「貼喺我之前嘅穿窿地方，睇落都唔錯。」
拍片介紹假珠貼紙，即時試玩。
去年10月真係釘珠。
「點解要受苦」
韓韶禧在片中表示，有點悔去年釘珠。「有咗呢個(釘珠貼紙)咁好嘅嘢，當時點解我要受苦……」之後她將假珠貼上面，並說：「我好滿意，想轉換心情時，就好適合貼下。雖然，唔知點解總係想貼呢類珠……」宣傳片尾聲，她提到《京城怪物》拍了兩年，完成後仍不敢相信：「真係結束？」她表示好有信心觀眾睇完第2季，對第1季的故事產生興趣。最後叮囑粉絲：「冬天快到，大家小心身體，唔好冷親。」
《京城怪物2》已在Netflix上線。
入App免費換走健康產品
