《食腦喪B》上周大結局，但收視未如理想。
由何廣沛和江嘉敏等主演的《食腦喪B》已經播映完畢，劇集的結局篇只錄得15.5點收視，全劇總平均收視16.5點，暫時成為今年收視最差的劇集。雖然劇集收視未如理想，但何廣沛一於少理，更大談自己的拍攝感受。
何廣沛自言一直恨演喪屍或吸血鬼的角色，更自爆曾自薦在《殭》劇中飾演一隻一出場便會死的吸血鬼，之後很開心遇到《食腦喪B》，扮演一個充滿人性的廢柴喪屍仔。
勁愛喪屍片
何廣沛說︰「由細到大，睇過無數嘅喪屍片，一年睇幾套都走唔甩，你up得出嘅我都有睇過。喪B算係我入行以來遇過最有發揮最過癮嘅角色，食咗咁多個腦，扮過唔同嘅人，小朋友老人家甚至連豬都扮埋，一切一切都多謝編劇們無限嘅創意同想法，令到喪B嘅人生咁精彩，當然唔少得要多謝化妝間嘅同事，每一次都用3至4個小時去化喪B嘅喪屍妝。大家可以睇番啲片，見到無論我點瞓覺，佢哋都好專業同有耐性幫我完成個喪妝。再見啦，喪B！喪屍仔嘅旅程要告一段落啦，依家呢一刻要重新做番一個正常人，如果可以俾我揀，我會想繼續過一個唔正常嘅人生。」
立即更新/下載AM730手機APP 體驗升級功能
