李珊珊日前為「精神健康基金會」拍短片，自揭兩年前患上驚恐症，今日她首次在Facebook開直播與網民一同分享病情，同時她又鼓勵病患者不要諱疾忌醫。
她稱拍片的原因是覺得很多患者得不到藥物及醫療支援，認為此病是可以解決，於是與其主診醫生的基金會合作，希望可以宣揚到正面訊息，讓大家可以多些認識此病，明白很多難關是可以過到的。提到患病經過，她表示自己當時入院，朋友離開病房時見到她滿面通紅，其後標冷汗、吸呼困難同掙扎，雖然護士給她吸氧，希望可以紓緩病情，然而徵狀持續了45分鐘。她說︰「非常唔好受，搵咗專科睇，做好多測試，但都搵唔到原因，嗰幾日喺醫院瀉到脫水，終於有醫生提議我轉介睇精神科。呢個病醫咗兩、三年，進展好好。」現時她的藥量已減了不少，連主診醫生也指她的進度被預期中快。
她又指患者要信任醫生，要準時食藥，最重要和醫生溝通。她說︰「其實有情緒病都好，你可以搵一個信得過嘅朋友及親人講俾佢知，其實生病好正常，要睇你用乜態度去面對，我認為可以解決嘅病係福氣，識得抒發好重要。」
最後她又勉勵大家說︰「我相信700幾萬人無一個會覺得開心或者好興奮，咁大家一齊努力，各施其職。若果你覺得好壓抑、好有無力感或者感覺做咩都無用，同身邊朋友去傾訴。如果覺得唔足夠時候就搵醫生，唔好覺得係一件壞事。病係人生一個階段，好好面對。如果能夠解決嘅病，其實都係福氣！因為你知道塵世間有好多病係解決唔到，當你可以解決到嘅話，係值得慶賀。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
