身穿低胸連身裙的靚湯，非常美豔。
馬國明、湯洛雯(靚湯) 今年元旦宣布訂婚，兩日今日身穿禮服首次以未婚夫妻檔出席珠寶店活動，似是婚禮預演，並且獲大會送贈一對龍鳳鈪。馬明、靚湯席上不但分享對婚姻的看法，更稱預備造人。
身穿低胸連身裙的靚湯，非常性感，問是否得到未婚夫批准，馬明即說：「隆重場合同婚禮性感啲冇所謂，平時就盡量唔好。」靚湯指，已經為婚紗做準備，「之前俾啲外國婚紗佢睇，佢話唔得太性感，都會聽佢意見嘅。」她稱婚禮當日希望著得驚喜一些。
喜事在即，兩人心情大好。
生B冇壓力 順其自然
談到一起出席活動，酬勞是否非常吸引，馬明說收開心價，他又希望有不同婚禮贊助商找他們代言，問到這樣勤力搵錢，是否想置業築愛巢，他說：「想住大啲，為將來有小朋友做準備，自己鍾意大家庭，熱熱鬧鬧。」靚湯則讚馬明有大志，又稱：「婚後唔會即刻生BB，想享受下二人世界先。」馬明表示，「冇壓力，順其自然。」
馬明、靚湯獲大會送贈足金龍鳳鈪。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
