文中指馬浚偉大搞的多個活動都賺唔到錢。
馬浚偉自今年初擔任新城廣播的首席營運總監以來，持續不斷地為電台注入新的活力與創新，早前更宣布新城廣播全媒體瀏覽次數已突破一億次，而且還成立METRO MUSIC，發掘及栽培新血；不過，日前，FB專頁「程總裁在國金89樓」，有人以「有班新城員工打算去長江中心擊鼓鳴冤搵鉅哥」為開端，指馬浚偉上任以來「跑唔到數」，所以計劃炒人交差，令員工不忿打算向「大老闆」求助。
文中指馬浚偉上任後雄心勃勃話年底要跑5000萬元數，但一年差不多過去，條數未能達標，更指他「食糊位食唔到」，有新城現職員工就舉了三個例子：「首先是「《新城唱好海洋公園音樂會周禮茂作品展》請咗多位明星出場，包括陳慧琳、楊千嬅、張敬軒，但選擇喺海洋公園怡慶坊舉行，場地只有900座位，限制咗賺錢能力。」
然後就是在會展大搞新城台慶：「一共約8000個座位，使咗唔少錢，但可能因為啲星唔夠光，加埋請咗張可頤講經，銷情頗一般，埋單成個event賺唔到錢。另外就係新城自己搞咗個影片網站，介紹返叫MBOTV，員工就質疑點解唔用YouTube呢啲成熟平台，要自己燒錢搞。」最後，有傳馬浚偉年尾要交數，所以計劃大刀闊斧縮減開支，準備炒十幾人，而有預感被炒的員工覺得不公，於是計劃集體去長江中心搵李澤鉅求助。事件爆出後，新城發言人就向傳媒否認：「完全不是事實，不作回應」。
有人在FB專頁「程總裁在國金89樓」貼文批評馬浚偉。
立即更新/下載AM730手機APP 體驗升級功能
