馮允謙今日宣布紅館個唱加開一場，三場門票即將開售。
馮允謙（Jay Fung）將於3月首踏紅館舉行演唱，據指反應熱烈，門票未開售已宣布加開一場，即會在3月25至27日展開一連三場紅館個唱，門票將於後日(12日)早上10時起，供恒生信用卡客戶優先訂票，並在下星期一(16日)公開發售。
Jay在工作中突然接到公司通知加場，開心到大叫驚喜，他說：「好開心，剛剛收到公司嘅好消息，我原定3月25和26日喺紅館舉行嘅演唱會加場呀，係呀，好Crazy！我完全無估到，特別開心、特別興奮，因為仲未公開發售，但反應好好，所以加開27號一場，我依家好興奮又好緊張呀！」Jay表示最想率先通知父母，他說：「好想依家即刻話畀媽咪和Daddy知道，不過呢個時間佢哋喺加拿大應該瞓咗，一陣我會通知佢哋，要佢哋到時要留喺香港陪我耐啲！」對於演唱會籌備進度，Jay透露歌單已定了八成，主要都是他的創作作品，還有一些過去音樂會沒有表演過的滄海遺珠。
馮允謙三場個唱將於3月25至27日舉行。
【立即參加】送香港迪士尼樂園一日門票！
