馮德倫為外賣網上平台拍廣告，並以多個不同造型示人。
馮德倫早前擔任陳慧琳演唱會嘉賓，令人驚喜萬分，而他亦再有新搞作，成為外賣平台最新代言人，以多個粉紅造型與品牌公仔Pau-Pau拍廣告。是次主題為「一個app餵百萬人」，概念來自「一樣米養百樣人」，示意「foodpanda app」比喻成餵飽全港百萬人的食物之餘，更重要的是滿足各個用戶獨一無二的口味，展現平台多元化的餐廳選擇。
馮德倫表示自己本身也是該平台的用家，芸芸美食之中，自己最常叫的則是韓國菜及糖水，偶爾邪惡一下，獎勵自己。提到他以不同粉紅造型出現，他說︰「我覺得男人著粉紅色都可以好好睇，係一個fashion得嚟亦好活潑嘅顏色。今次仲有機會試晒唔同色Tone、唔同款式嘅粉紅造型，我自己都覺得好新鮮！」
他自編自導自演的《老馮日記》較早前於電視台重播，期間更有大量網民熱烈關注及討論，甚至要求推出《老馮日記2023》。他說︰「好多謝大家咁鍾意《老馮日記》，不過暫時就未有再拍續集嘅打算⋯⋯就好似嗌嘢食咁，每日都會想試下唔同餐廳唔同菜式啦。呢間好食可能下一間仲正呢！拍嘢都一樣，有咁多唔同嘅主題，好多我都想拍吓挑戰吓。希望大家繼續留意同支持我嚟緊嘅作品！」
馮德倫稱「好多我都想拍吓挑戰吓」。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
