胡定欣獲大會頒贈紀念品。
胡定欣、蘇永康、劉鑾雄慈善基金信託人之董事陳凱韻等，今日出席心光盲人院暨學校的125周年校慶活動《2021心光傲行》，胡定欣坦言是應蘇永康邀請擔任「愛心大使」，「因為疫情關係，今次係線上步行籌款形式進行，我都有去過心光盲人學校了解情況，有同當中兩位同學傾偈，覺得過程中最大感受係佢哋要面對投身社會問題，佢哋都好想踏入社會，同大家融為一體，佢哋對電腦、音樂同藝術設計都好有興趣，希望外界可以接受、畀機會佢哋，等佢哋都可以去社會工作。」
胡定欣與視障人士傾偈，了解他們生活所需。
體驗失明人士步行
胡定欣與蘇永康今日都有蒙著眼睛，體會一下平日失明人士於觸覺引路帶行路的感覺，事後胡定欣表示：「我撓住校長隻手臂，喺佢帶領下行，第一次真正體驗佢哋生活上嘅一啲感受，雖然有人帶領，不過我當時完全缺乏安全感，佢哋(失明人士)生活上遇到嘅問題一定更多，我都有問佢哋現時社區設施足唔足夠，佢哋話比起其他國家，香港已經做得好好，反而響社會工作係最大問題。」
胡定欣和蘇永康為《2021心光傲行》擔任愛心大使。
陳凱韻(右三)表示：「對我哋嚟講輕鬆做到嘅嘢，對視障人士可能充滿挑戰，所以我哋應該對佢哋保持鼓勵同樂於協助嘅態度。」
amJetso 送BIODERMA救星小紅瓶🩷護膚恩物 立即按此參加👇
