高海寧LA登台上載團年飯合照 蘇民峰太太極罕曝光 保養得宜家族背景好猛料
TVB花旦高海寧（高Ling）憑內地劇《三十而已》及熱播劇《新聞女王》人氣急升，攀上事業高峰。佢除咗殺入電影圈之外，早前仲與堪輿學家蘇民峰合作，飛到美國洛杉磯登台，寓工作於娛樂，之後高Ling更與蘇民峰一齊食團年飯，之後仲喺社交網站上載合照，令蘇民峰太太極罕曝光。
Lilian唔止氣質出眾家族背景仲好猛料
高海寧喺IG上載團年飯照片，並留言寫上：「🎉岩岩食完年夜飯 好好味呀呀呀～祝各位新年行大運、大吉大利、幸運滿載♥️🥳🧧Happy Chinese New Year✨」。而其中一張相片就有高Ling、蘇民峰及其太太楊佳佳Lilian，原來保養得宜嘅Lilian唔止氣質出眾，家族背景仲好猛料。
現年64歲嘅蘇民峰，多年嚟處理感情事既專一又低調，而佢一直都係稱Lilian為女友，直至2005年被傳媒踢爆喺在1993年已經結婚。有指Lilian家族背景猛料，外公係國民黨將軍沈醉，喺台灣出晒嘅佢自細便移居美國，直至90年代初嚟香港做模特兒，並與蘇民峰相識及拍拖。現時呢對恩愛夫妻，除咗同樣鍾意煮嘢食，仲不時周遊列國，真係好sweet呀！
原文刊登於 Yahoo 娛樂圈
入App免費換走健康產品
